Ýewropada Note 12 smartfon hataryny, Redmi Watch 3 akylly sagady resmi taýdan tanyşdyrandan soň, Redmi arzan Redmi A2 we Redmi A2+ smartfonlaryny çykardy. Emma beýleki täze önümlere köp üns berlenem bolsa (iň bärkisi olar barada resmi Xiaomi Europe Twitterinde aýdylyp geçildi), Redmi A2-ni we Redmi A2+-y Mi.com-yň resmi web sahypasyndaky kataloga goşmak bilen oňdular.
Iki smartfon hem 1600×720 piksel durulykda 6,52 dýuýmlyk iPS displeýi aldy. MediaTek Helio G36 çipi, 2 ýa-da 3 GB RAM we 32 GB hemişelik ýat (microSD kartlar üçin ýer bar).
Esasy kamera 8 megapiksel, öňdäki kamera 5 megapiksel. Batareýa 5000 mA/s, nauşnik dakmak üçin ýer we garaşylmadyk ýagdaýda zarýad bermek üçin mikroUSB bar.
Adynda goşmak belgisi bolan wersiýa barmak yzy skanerini aldy.
Smartfonlar gara, ýaşyl we gök reňklerde bolar. Redmi A2-niň esasy wersiýasynyň bahasy 115 dollardan başlaýar.
