Wirjiniýa ştatyndan 82 ýaşly aýal dünýäniň iň garry hokkeýçisi diýlip ykrar edildi. Bu barada Ginnesiň rekordlar kitabyna salgylanyp, interfax.ru habar berýär.
Wirjiniýa ştatynyň Lorton şäherinden Linda Sinrod 35 ýaşynda hokkeý bilen gyzyklanýar. Mundan öň ol figuraly typmak bilen meşgullanypdy. Ol doňan howzuň buzunda typan wagty ilkinji gezek hokkeý oýnamagy barlap görýär we şol ýerde oýnan hokkeýçiler oňa hokkeý taýagyny almagy teklip edýärler.
Sinrod bu oýny şeýle bir gowy görýär welin, ol Kolumbiýa okrugynyň Waşington şäherinde ilkinji zenanlar hokkeý toparyny esaslandyrýar. Sinrod 10 ýylyň dowamynda oýnaýar, soňra ençeme wagtlap topardan gidýär, şondan soň ýene-de hokkeýe dolanyp barýar.
“Pensiýa çykanymdan soň, men köne topardaş joralarymyň näme bilen meşgullanýandygyny gördüm we olaryň biriniň Prince William Wildcats toparyna tälimçilik edýändigini bildim, şonuň üçin 67 ýaşymda olara goşulmak kararyna geldim” – diýip, Sinrod özüniň hokkeýe dolanmagynyň sebäbini düşündirýär.
8 ýyldan soň topardaş joralary ondan “Wildcats-den” gitmegi soraýarlar (ol eýýäm 75 ýaşyndady). Ýöne ol hokkeýi taşlamak islemändi we şonuň üçin ýylda iki gezek oýun geçirýän zenanlar ligasynda oýnap başlady.
