«Biziň soňkymyz» serialy tomaşa sany boýunça "Aždarhanyň öýünden" öňe geçip, öz rekordyny goýdy. Bu seriala 30,4 mln adam tomaşa etdi. "Tagtlaryň oýnunyň" prikweli 29 mln tomaşaçyny ekrana çekipdi diýip, "The Hollywood Reporter" habar berýär.
Serial şol sanda öz rekordyny hem döwdi. Birinji möwsümiň jemleýji bölümi 8,2 mln tomaşaçyny özüne çekdi. Bu birinji bölümiň görkezijisinden 74,5% köpdür. Ýagny, oýnuň ekranlaşdyrylmasynyň birinji bölümine 4,7 mln adam tomaşa edipdi.
«Biziň soňkymyz» serialynyň premýerasy 15-nji ýanwarda boldy. IMDb portalynyň ulanyjylary oňa 10-dan 9 bal, "Kinopoiskiň" ulanyjylary bolsa 10-dan 8,2 bal berdiler. Serialda Joeliň keşbini ýerine ýetiren aktýor Pedro Paskal mart aýynyň başynda eýýäm şu ýyl ikinji möwsümiň surata düşürilip başlanmagynyň mümkindigini aýtdy. Ony döredijiler serialyň ikinji möwsüme uzaldylandygyny tassykladylar.
«Biziň soňkymyz» - adybir oýna esaslanýan serial bolup, onda sýužet boýunça planetanyň ilatyna wirus ýokuşyp, adamlar zombilere öwrülýär. Diri galanlar karantin zolaklaryndaky resurlar üçin göreşýär. Şol wagt kontrabandaçy Joel 14 ýaşly Ellä duşýar. Gahrymanlaryň wezipesi sanjym döredip, adamzady halas etmek üçin onuň immunitetiniň syryny bilmekden ybarat.
