Halkara Futbol Federasiýasynyň prezidenti Janni Infantino bu gurama ýene dört ýyl ýolbaşçylyk eder.
Penşenbe güni Ruandada FIFA-nyň ýolbaşçysynyň saýlawlary geçirildi. Bu wezipä ýeke-täk dalaşgär hem federasiýanyň häzirki prezidenti Infantino boldy.
Şonuň üçin ses berişlik bolmady we işgärler onuň gaýtadan saýlanmagyny el çarpyşmalar bilen goldadylar. Halkara Futbol Federasiýasynyň düzgünnamasyna laýyklykda, ýeke-täk dalaşgär hödürlenen ýagdaýynda onuň dalaşgärligi el çarpyşmalar görnüşinde tassyklanyp bilner.
Infantino hasap boýunça FIFA-nyň dokuzynjy prezidentidir, ol ilkinji gezek federasiýa 2016-njy ýylyň fewralynda ýolbaşçy boldy. 2019-njy ýylda gaýtadan saýlandy, şonda hem bu wezipä Infantinonyň özünden başga dalaşgär ýokdy. Onda Şweýsariýanyň we Italiýanyň raýatlygy bar.
Ikinji gezek gaýtadan saýlanandan soň, Infantino ilki bilen maliýe meseleleri boýunça birnäçe bildirişleri aýtdy. Onuň belleýşi ýaly, futbol işgärleri klublar tarapyndan täze oýunçylary satyn almak üçin sarp edilýän mukdaryň aýdyň bolmagynyň üstünde işlemeli. Ýatlap geçsek, gyşky transfer penjiresiniň jemi boýunça klublaryň umumy çykdajylary 1,57 mlrd dollara barabar boldy.
