Sakuranyň gülleýiş möwsümi Tokioda resmi taýdan sişenbe güni başlandy. Bu barada milli meteorologiýa gullugy habar berdi. Olar möwsümiň başlananyny Tokiodaky sintoitleriň Ýasukuni ybadathanasyndaky ýörite «gözegçilik» agajyna esaslanýarlar.
Bellenilişine görä, bu ýyl paýtagtda 2020, 2021-nji ýyllar bilen degişlilikde sakura gülleýiş möwsümi 10 gün ir başlady. 1953-nji ýylda degişli statistika ýöredilip başlanany bäri bu ýyl iň ir gülleýiş möwsümleriniň biri boldy.
Tokioda resmi sakura gülleýiş möwsümi şäher merkezindäki ýörite gözegçilik agajynyň bäş güli açylanyndan soňra başlanýar. Ony Ýaponiýanyň meteorologiýa gullugynyň hünärmenleri gözegçilikde saklaýarlar. Bu ýyl ýerli ýaşaýjylar üçin däp bolan—sakura gülleýän meýdançalara aýlanmakda çäklendirmeler bolmaz, çünki Ýaponiýada häzirki wagtda koronawirusyň täze ýaýramalaryna duş gelnenok diýen ýaly.
