FIFA futbol boýunça dünýä çempionaty — 2026-nyň görnüşini hersi dört toparçadan ybarat 12 topara üýtgetdi diýip, guramanyň metbugat gullugy habar berýär.
"FIFA-nyň Geňeşi 2026-njy ýyldaky futbol boýunça dünýä çempionatynyň geçiriliş tertibine teklip edilýän düzedişi biragyzdan tassyklady" – diýip, beýanatda aýdylýar.
Ýaryşyň toparlaýyn tapgyry 72 oýundan ybarat bolar - toparlaryň hersi dört ýygyndyny öz içine alýan 12 topara bölüner, dörtlügiň içinden birinji orny eýelän iki topar we üçünji orny eýelän sekiz sany iň gowy topar çykar. Toparçalar arasy tapgyrdan soň toparlar 1/16 jemleýji tapgyra çykarlar. Ýaryş jemi 104 oýundan ybarat bolar. Ondan öň dünýä çempionatyna 32 topar gatnaşýardy, ýaryş 64 oýundan ybaratdy.
Ýaryş 56 gün dowam eder. Jemleýji oýny 2026-njy ýylyň 19-njy iýulynda geçirmek meýilleşdirilýär. 2026-njy ýyldaky dünýä çempionaty ilkinji gezek üç ýurtda: Kanadada, ABŞ-da we Meksikada geçiriler.
