Amerikan kinosungat akademiýasynyň “Ikinji plandaky iň gowy aktýor” nominasiýasynda baýragyna “Hemme zat hemme ýerde we birbada” filmindäki keşbi üçin Ke Hýui Kuan mynasyp boldy. Hut bu keşp oňa eýýäm “Altyn globusy” hem-de Saturn we ABŞ-nyň kinoaktýorlarynyň Gildiýa baýragyny getiripdi. Bu barada Amerikan kinosungat akademiýasynyň 95-nji baýrak gowşurylyş dabarasynda mälim edildi diýip, interfax.ru habar berýär.
Bu baýraga Braýan Taýri Genri (“Kölüň üstünden geçýän köpri”), Jadd Herş (“Fabelmanlar”), Barri Keogan (“Inişeriniň Banşisi”) we Brendan Glison hem (“Inişeriniň Banşisi”) dalaş edipdi.
Ke Hýui Kuan parallel älemlerde hereket etmek ukybyna eýe bolan baş gahryman Eweliniň adamsynyň keşbini ýerine ýetirdi.
