Samsung we Xiaomi smartfonlar üçin gaty görnüşli batareýalary döretmegiň üstünde işleýärler. SamMobile portalynyň habaryna görä, olar litiý-ionlara garanda howpsuz, üstesine-de, şuňa meňzeş fiziki ölçegler üçin uly sygyma eýedir. Hytaý kompaniýasy innowasion batareýasy bolan smartfonlary çykarmagy çaltlaşdyrmaga synanyşýar diýip, portal belleýär.
Hünärmenler şeýle batareýalaryň, hatda pes temperaturada-da energiýa saklamaga ukyplydygyny, ýagny zarýadyny gidirmejekdigini aýdýarlar. Mundan başga-da, gaty batareýalar ýanmaýar ýa-da partlamaýar. 6000 mAs sygymly gaty görnüşli batareýalaryň ykjamlygy 4500 mAs-lyk batareýa korpusyna ýerleşmäge mümkinçilik berer.
Samsung ýylyň birinji çärýeginiň ahyryna çenli gaty görnüşli batareýalaryň önümçilik hatarynda işleri tamamlamagy meýilleşdirýär. Şol bir wagtyň özünde, portalyň belleýşi ýaly, kompaniýanyň ägirt uly meýilnamalary bar hem-de bu tehnologiýany smartfonlara we planşetlere ornaşdyrmak bilen çäklenmek islemeýär. Samsung gaty görnüşli akkumulýatorlary, şol sanda elektromobiller üçin hem, öndürmegi göz öňünde tutýar.
Gaty görnüşli batareýalar bilen işleýän ilkinji smartfonlar 2030-njy ýyla çenli çykar diýip garaşylýar.
