Amerikanyň kino akademiýasynyň «Oskar» baýragynyň gowşurylyş dabarasynda 1961-nji ýyldan bäri ilkinji gezek gyzyl haly düşek ýazylmaz. Bu barada AP News habar berýär.
"Oskar" baýragynyň 95-nji gowşurylyş dabarasy üçin şampanreňk haly saýlandy. Soňky 62 ýyllap haly gyzyl reňkli bolupdy. Bu täzeligi paýyna öňdäki dabarany alyp barmak hormaty düşen komediýaçy Jimmi Kimmel: «Meniň pikirimçe, bu gan dökülmejekdigine nä derejede ynamlydygymyzy görkezýär» - diýip düşündirdi.
Şampanreňk haly ýazmak karary Met Gala geýim institutynyň dabaranyň bezegine jogapkär döredijilik geňeşçileri Liza Law bilen Raul Awil tarapyndan kabul edildi.
Bu çäre 2023-nji ýylyň 13-nji martyna geçilýän gije Los Anjelesdäki Dolbi teatrynda geçer. Onda A$AP Rokkiden boljak ikinji çagasyna göwreli Rianna çykyş eder. Barbadоsly aýdymçy “Gara babyr: Baky Wakanda” filmi üçin döredilen, “Iň gowy film aýdymy” kategoriýasynda "Oskar"-a dalaşgär görkezilen “Lift Me Up” saundtregini ýerine ýetirer.
