Iň görmegeý erkek kişini kesgitlemek boýunça pikir soraşma bütin dünýäde yzygiderli geçirilýär. Nubia onlaýn—žurnalynyň okyjylarynyň pikirine görä, bu bäsleşikde 2022-nji ýylda hytaýly aktýor we aýdymçy Sýao Çžan ýeňiji boldy. Oňa 2,2 million adam ses berdi. Pikir soraşma 189 ýurtdan 11 million adam gatnaşdy.
Ikinji orny Günorta koreýaly aýdymçy Kim Thehen, üçünji ýeri bolsa, hytaýly aktýor, tansçy we alyp baryjy Wan Ibo eýeledi. Pikir soraşmalaryň netijeleri boýunça sanawyň yzygiderliliginde Genri Kawill, Tom Holland we Timoti Şalame, şeýle-de aýdymçy Jastin Biber we futbolçy Kriştianu Ronaldu hem bar.
Şu ýylyň ýanwarynda New Ýork Post meşhur adamlaryň daşky sypatlaryny ylmy taýdan öwrenmek boýunça geçirilen gözlegleriniň netijelerini çap etdi. Bu işiň awtory bolup britan plastik hirurgy Julian de Silwa çykyş etdi. Ol adamyň ýüzüniň proporsiýalaryny hasaplamak üçin häzirkizaman kompýuter tehnologiýalaryny ulandy.
Gözlegleriň netijelerine görä, dünýädäki iň görmegeý erkek kişi Rege—Žan Peýj boldy. Ol “Brijertonlar” serialynda gersog Gastingsyň keşbini janlandyrdy. Onuň ýüzi “altyn kesik düzgünine” 93,65 göterim gabat gelýär.
