Apple korporasiýasy sişenbe güni sary reňkde iPhone 14 we iPhone 14 Plus smartfonlaryny hödürledi. Bu barada kompaniýanyň saýtynda ýerleşdirilen metbugat relizinde aýdylýar diýip, TASS habar berýär.
“Şu gün Apple täze sary reňkli iPhone 14 we iPhone 14 Plus-y anons etmek bilen, bu ýazda hatara ýene-de reňk goşdy” – diýlip, habarda aýdylýar.
Kompaniýa täze reňkli modelleriň deslapky sargytlar üçin 10-njy martdan elýeterli boljakdygyny, satuwda bolsa 14-nji martda peýda boljakdygyny aýdyňlaşdyrýar.
Geçen ýylyň 7-nji sentýabrynda Apple täze gurluş hataryndan dört sany täze smartfon hödürledi, korporasiýanyň täze önümleriniň hataryna iPhone 14 we iPhone 14 Pro, şeýle-de iPhone 14 Plus we iPhone 14 Pro Max girdi. Adaty iPhone 14 bäş reňkde elýeterlidi: “ýarygije”, “ýyldyzlaryň ýagtysy”, gök, benewşe we gyzyl. Pro wersiýalar dört reňkde elýeterli: “kosmiki gara”, kümüş, altyn we gara-benewşe.
