Kairdäki Aýn Şams uniwersitetiniň alymlary garaşylmadyk açyş etdiler. Sada Elbalad gazetiniň habaryna görä, Niliň jülgesindäki günorta Kena welaýatyndan arheologlar adaty bolmadyk sfinksi tapdylar. Ol Rim imperatorynyň şekilindedi.
Ekspedisiýa şu ýylyň fewral aýynyň ortalarynda Müsüriň Dendera şäheriniň golaýynda, Hator ybadathanasynyň gündogaryndan başlandy. Bir aý geçmänkä, sfinksiň hek heýkeli tapyldy. Doktor El Damati deslapky wersiýa görä, 41 ýaşdan 54 ýaşa çenli höküm süren gadymy Rim imperatory Klawdiýä degişlidigini belläp geçdi. Alym sfinksi "geň galdyryjy owadan, sebäbi ýüzi patyşalyk aýratynlyklary bilen tapawutlanýar" diýip häsiýetlendirdi.
Şeýle hem heýkeliň aşagynda Rim döwrüniň ierogliflerinde ýazylan bir suraty tapyldy. Doktor El-Damati missiýanyň Horus ybadathanasynyň töwereginde, Dendera ybadathanasynyň gündogarynda we Isidanyň derwezesiniň öňünde, olary birikdirýän ýoly tapmak üçin, gazuw-agtaryş işlerini dowam etdirjekdigini tassyklady.
