Polşaly futbolçy-amputant Marsin Oleksiý FIFA tarapyndan 2022-nji ýylyň iň owadan golunyň awtory hökmünde Ferens Puşkaş adyndaky baýragy aldy.
Poznandan “Warta” kluby üçin çykyş edýän Oleksiý goluny amputasiýaly adamlar üçin milli çempionatyň Žeşuwdan “Stal” toparyna garşy oýnunda özünden üstaşyr geçirdi.
Nominasiýada finalçylaryň üçlüginde Braziliýanyň milli ýygyndysynyň futbolçysy Rişarlison we onuň Katardaky dünýä çempionatynda Serbiýanyň toparyna garşy “gaýçy” goly, şeýle-de Konferensiýalar ligasynyň Gresiýanyň PAOK-yna garşy dörtden bir final oýnunda 20 metrden gol salan “Marselden” Dimitri Paýet bardy.
Futbol jemgyýetinde adalatly oýnuň we rehimdarlygyň ruhuna ýardam edýän göreldeli özüňi alyp baryş üçin Fair Play baýragyny gruziýaly goragçy Luka Loçoşwili aldy, ol Awstriýanyň “Wolfsberg” toparynda oýnamak bilen meýdançada huşuny ýitiren “Austriýanyň” goragçysy Georg Taýgla kömek etdi.
Iň gowy janköýerler üçin FIFA Fan Award baýragyna Argentinanyň milli ýygyndysynyň janköýerleri mynasyp boldy.
