Relativity Space ABŞ-nyň Federal raýat awiasiýasy edarasyndan uçuryş üçin ygtyýarnama alandygyny we Terran 1 raketasyny kosmosa uçurmaga taýýardygyny mälim etdi. Terran 1-iň uçuşy 8-nji martda gündogar wagty boýunça 13:00-da açylýan üç sagatlyk uçuş penjiresiniň dowamynda meýilleşdirilýär diýip, ferra.ru habar berýär.
Kompaniýa meýdançada raketanyň birinji basgançagynyň hereketlendirijilerini işledip, uçuşdan öň soňky synagy geçirmegi meýilleşdiripdi. Munuň deregine Relativity Space orbital uçuşy geçirmek kararyna geldi. Kompaniýanyň wekili raketanyň synag uçuşynyň üstünlikli boljakdygyna ynanýandyklaryny belledi.
Terran 1 beýikligi 33 metr bolan iki basgançakly raketa bolup, onuň 85%-i 3D çap usuly bilen taýýarlanandyr.
