2023-nji ýylyň 24-nji martyndan başlap, Turkish Airlines Aşgabada uçuşlarynyň sanyny artdyrýar. Stambuldan Aşgabada gatnawlar her gün ýerine ýetiriler.
Häzirki wagtda türk howa gatnadyjysy Aşgabada hepdede iki gezek — çarşenbe we şenbe günleri uçuşy amala aşyrýar. 24-nji martdan başlap uçuşlar günde ýerine ýetirilip başlanar. Stambuldan 20:30-da uçup, Aşgabada 02:20-de gonar. Yzyna uçar 03:45-de uçup, Türkiýä 05:55-de gonar.
Täze tertip boýunça awiabiletler eýýäm satlyga çykaryldy. Biletleri awiakompaniýanyň www.turkishairlines.com saýtyndan ýa-da iOs we Android üçin priloženiýalardan, şeýle hem satuw ofislerinden alyp bilersiňiz.
Stambul (IST) — Aşgabat (ASB) awiabiletiniň bir tarapynyň bahasy 7,393 türk lirasy, Aşgabat — Stambul ugry boýunça awiabilet 367 dollar.
Turkish Airlines awiakompaniýasynyň Aşgabatdaky wekilhanasy şeýle hem 23-nji martdan başlap Stambul (IST) — Türkmenbaşy (KRW) — Stambul ugry boýunça uçuş maksatnamasyny bes edýändigini habar berdi.
