«Awatar: Suwuň ýoly» taryhda iň köp girdeji gazanan filmleriň sanawynda «Titanikden» öňe geçip, üçünji ýeri eýeledi. Iki filme-de Jeýms Kemeron režissýorlyk etdi.
Birinji we ikinji ýerde «Awatar» birini filmi we «Ar alyjylar. Final» durýar. Iki aý prokata alnandan soň, «Suwuň ýoly» 2,243 milliard dollar gazandy. Munuň 657 million dollary ABŞ-dan, 1,586 milliard dollary bolsa halkara sebitlerinden geldi.
«Titanik» geçen hepde Demirgazyk Amerikada we beýleki ýerlerde gaýtadan prokata çykarylyp başlandy. Gaýtadan çykarylmagy melodramanyň jemi gazanan pulunyň 2,242 milliard dollara ýetmegine sebäp boldy.
«Garynja-adam we Ary: Kwantomaniýa» kinokomiksi prokata 225 million dollar (ABŞ + dünýäniň beýleki ýerleri) bilen başlady. Demirgazyk Amerikadaky dynç günlerini hem goşmak bilen, netije 239 million dollar boldy.
