Serdar Berdimuhamedow BAE-niň wise-premýeri Şeýh Mansur Bin Zaýed Al Nahaýýany kabul etdi

  • 19.02.2023 21:51
  • 19k+

19-njy fewralda Prezident Serdar Berdimuhamedow Aşgabatda BAE-niň Ministrler Kabinetiniň Başlygynyň orunbasary, Prezidentiň Iş dolandyryş ministri Şeýh Mansur Bin Zaýed Al Nahaýýan bilen ikiçäk gepleşikleri geçirdi. Bu barada «Watan» habarlar gepleşiginde habar berildi.

Şeýh Mansur Bin Zaýed Al Nahaýýan şu gün irden ýurdumyza sapar bilen geldi. Aşgabadyň Halkara howa menzilinde ýokary derejeli myhmany Serdar Berdimuhamedow garşylady.
Prezident Serdar Şeýh Mansur Bin Zaýed Al Nahaýýan bilen mähirli salamlaşyp, iki ýurduň döwlet baýdaklarynyň öňünde surata düşdüler.   
Ikiçäk gepleşikleriň dowamynda Serdar Berdimuhamedowyň geçen ýylyň 21-22-nji noýabrynda BAE bolan resmi saparynyň iki döwletiň däp bolan dostluk we ynanyşmak gatnaşyklaryny ösdürmäge hem-de taraplaryň özara bähbitlilik,  deňhukuklylyk esasynda köpugurly hyzmatdaşlygy giňeltmäge kuwwatly itergi berendigi barada aýdyldy.
Şeýle hem ikiçäk gepleşikleriň dowamynda syýasy diplomatik gatnaşyklaryň netijeli häsiýete eýedigi bellenildi.
Gepleşikleriň dowamynda işlenip taýýarlanylan bilelikdäki taslamalaryň ykdysady hyzmatdaşlygy ösdürmekde ähmiýetlidigi bellenilip, maýa goýumlaryny çekmek, garyşyk önümçilikleri döretmek, häzirki zaman hyzmatlar ulgamyny emele getirmek, bank-maliýe ulgamyndaky hyzmatdaşlygy işjeňleşdirmek meseleleriniň ikitaraplaýyn hyzmatdaşlygyň esasy ugurlarydygy bellenildi.
Birleşen Arap Emirlikleriniň Ministrler Kabinetiniň Başlygynyň orunbasary, Prezidentiň Iş dolandyryş ministri Şeýh Mansur Bin Zaýed Al Nahaýýan  BAE-niň işewür toparlarynyň wekilleriniň türkmen tarapy bilen netijeli  hyzmatdaşlygy ösdürmäge uly gyzyklanma bildirýändigini tassyklady we mähirli kabul edilendigi üçin Serdar Berdimuhamedowa ýene-de bir gezek tüýs ýürekden hoşallyk bildirdi.
Serdar Berdimuhamedow Türkmenistanyň BAE bilen doganlyk gatnaşyklaryny mundan beýläk-de pugtalandyrmaga taýýardygyny ýene bir ýola tassyklady.
Gepleşikler tamamlanandan soň, belent mertebeli myhman paýtagtymyzdan ugrady.


düýn 16:22
2.1k+

Merkezi Aziýa döwletleriniň ilçileri Türkmenistanyň Yslamabatdaky ilçihanasynda teglek stol geçirdiler

26-njy awgustda Türkmenistanyň Pakistan Yslam Respublikasyndaky (Yslamabat şäheri) ilçihanasynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň netijelerine bagyşlanan tegelek stol maslahaty geçirildi...

düýn 16:18
1.7k+

Türkmenistanyň ilçisiniň Irlandiýa iş saparyny amala aşyrdy

25-nji awgustda Türkmenistanyň Irlandiýadaky ilçisi Ýa.Serýaýew (oturýan ýeri London ş.) Dublin şäherine iş saparyny amala aşyrdy. Bu barada Türkmenistanyň DIM-niň saýtynda habar berilýär. Saparyň dowamynda ilçi Irlandiýanyň Daşary işler we söwda ministrliginiň Protokol bölüminiň başlygynyň orunbasary Ralf Wiktor bilen duşuşdy we ynanç hatynyň nusgalaryny gowşurdy...

düýn 15:41
4.4k+

Moskwada Raşid Meredowyň we Sergeý Lawrowyň duşuşygy geçirildi

28-nji awgustda Moskwada Türkmenistanyň daşary işler ministri Raşid Meredow bilen Russiýa Federasiýasynyň daşary işler ministri Sergeý Lawrowyň arasynda duşuşyk geçirildi. Daşary syýasat edaralarynyň ýolbaşçylary çuňňur strategik hyzmatdaşlygyň ýörelgelerine esaslanýan döwletara dialogyň netijeli häsiýetini kanagatlanma bilen bellediler...

28.08.2025 17:40
9.8k+

Aşgabatda Ankara köçesiniň durkuny täzelemek boýunça tender yglan edildi

Türkmenistanyň Gurluşyk we binagärlik ministrligi Aşgabatda Ankara köçesiniň durkuny täzelemek boýunça halkara bäsleşik yglan etdi. Bu barada «Türkmenistan» gazetinde habar berilýär. Gyzyklanma bildirýän kompaniýalaryň we guramalaryň teklipleri bellenilen tertipde kabul edilýär...