Halkara Futbol Federasiýasynyň (FIFA) gaznasy Türkiýede we Siriýada bolup geçen ýertitremelerden ejir çekenlere ynsanperwer kömegi hökmünde 1 mln dollar bölüp berer. Bu barada guramanyň saýtyna salgylanyp, rsport.ria.ru habar berýär.
Bu serişdeler ejir çekenleri wagtlaýyn ýaşaýyş jaýlary we howpsuz şertler bilen üpjün etmek üçin zerur bolan ynsanperwer kömek predmetlerini satyn almaga sarp ediler. FIFA Türkiýäniň we Siriýanyň futbol federasiýalary bilen hyzmatdaşlygy dowam etdirer we mundan beýläkki hereketler üçin wakalaryň ösüşine gözegçilik eder.
7,7 we 7,6 bal ululykdaky ýertitremeler 6-njy fewralda Türkiýäniň günorta-gündogarynda bolup geçdi. Ýurduň prezidenti Rejep Taýyp Ärdoganyň aýtmagyna görä, olar 1939-njy ýyldan bäri iň güýçli ýertitremeler boldy. Ärdogan betbagtçylygy “asyryň betbagtçylygy” diýip atlandyrdy.
Ýertitremäniň pidalarynyň sany, soňky maglumatlara görä, 40 müň 642 adama ýetdi.
