Günorta Koreýanyň Samsung kompaniýasy Galaxy S23 hatarynyň smartfonlarynyň global satuwynyň başlanandygyny mälim etdi. Degişli bildiriş kompaniýanyň resmi saýtynda ýerleşdirildi diýip, TASS habar berýär.
Ýokary tehnologiýaly gurluşlar ilki Günora Koreýanyň, ABŞ-nyň we ýene-de 53 döwletiň bazaryna çykdy. Geljekde olar 130 döwletde elýeterli bolar.
Ýokary tehnologiýaly gurluşlar üçin deslapky sargytlaryň rekord derejä ýetendigi hem habar berilýär. Diňe Günorta Koreýada olaryň sany 1,09 milliondan geçdi.
Kompaniýa üç modelden ybarat täze smartfon hataryny 1-nji fewralda hödürledi. Galaxy S23 smartfonynyň bahasy 799 dollardan, Galaxy S23 Plus – 999 dollardan, Galaxy S23 Ultra – 1199 dollardan başlaýar.
