2023-nji ýylyň güýzünde çykmagyna garaşylýan iPhone 15 Pro smartfony aýratyn renderlerde görkezildi. Suratlary ady belli bolmadyk çeşmeden alan 9to5Mac portaly neşir etdi.
Apple, adatça, täze önümi çykýança, onuň daşlyklary we beýleki esbaplary taýýar bolar ýaly, Aziýadaky zawodlaryna şeýle renderleri iberýär. Neşir edilen suratlar enjamyň daşky görnüşiniň ozalky dizaýnyny saklajakdygyny görkezýär - Dynamic Island ýazgysynyň aşagynda öňe güberip duran kameralaryň üçburç blogyny we tekiz gyralaryny görüp bilersiňiz.
Bu ýyl Apple-iň ulanyjylaryna garaşýan esasy üýtgeşme Lightning portunyň USB-C bilen çalşylmagy bolar - täze birleşdiriji renderde öz beýanyny tapdy. Mundan başga-da, täze smartfonyň OLED ekranynyň, iPhone 14 Pro modeli bilen deňeşdirilende, has inçe çarçuwalydyny görüp bilersiňiz.
9to5Mac, iPhone 15 Pro-yň soňky görnüşiniň goýberilen wagty käbir üýtgeşmeleriň bolup biljekdigini nygtaýar, ýöne renderler häzirki wagtda enjamyň daşky görnüşi barada umumy düşünje berip biler.
