Pekin bilen Waşingtonyň arasyndaky dartgynlylyk sebäpli, Hytaýa garaşlylygy azaltmak maksady bilen, Apple soňky birnäçe ýylda iPhone önümçiligini kem-kemden Hindistana geçirýär. Şeýle-de bolsa, meýilnamanyň durmuşa geçirilmegi kynçylyklara sezewar boldy.
Financial Times gazetiniň habaryna görä, häzirki wagtda Hindistanda iPhone üçin çykarylýan korpuslaryň kemçilikli çykýanlarynyň paýy 50 göterime ýetdi. Bu önümleriň deňýarynyň ýygnaýjy zawoda ibermegiň talaplaryna laýyk gelmeýändigini aňladýar.
iPhone önümçiliginiň ösüşine infrastruktura bilen nyrhlaryň biri-birine laýyk gelmezligi sebäpli, logistika pudagyndaky kynçylyklar päsgelçilik döredýär diýip, neşir belleýär. Meseleler düzedilmese, kompaniýa Hindistanda iPhone-nyň indiki neslini Hytaý bilen bir wagtda ýygnamaga başlap bilmese gerek.
Ozal habar berlişi ýaly, Apple 2027-nji ýyla çenli iPhone önümçiliginiň ýarysyna çenlisini Hindistana geçirmekçi bolýar. Business Standard hindi işewür gazetiniň habaryna görä, bu kompaniýa Hindistandan edýän eksportyny 1 milliard dollardan agdyryp, öňki lider Samsung-dan öňe geçdi we iň öňdäki smartfon öndürijisi boldy.
