Türkiýede halas edijiler ýertitremeden alty gün soň, ýumrulan binalaryň astyndan diri galanlary çykarmaklaryny dowam edýärler diýip, ýekşenbe güni ýerli habar beriş serişdeleri habar berýär.
Mynet habarlar portalynyň habar bermegine görä, tebigy hadysadan 150 sagat geçenden soň, Hataý welaýatynda gyzjagaz halas edildi. Çen bilen ol 2 ýa-da üç ýaşynda.
Hürriyet gazetiniň habar bermegine görä, gözleg-halas ediş işleriniň 149-njy sagadynda Hataýda diwarlaryň astyndan 35 ýaşly Mustafa halas edildi, ol epilepsiýa bilen keselledi. Lukmanlar oň ilkinji kömegi berip, hassahana eltdiler.
Yeni Şafak gazetiniň bellemegine görä, halas ediş işleriniň 140-njy sagadynda Hataýda göwreli zenan hem-de onuň erkek dogany halas edildi. Olaryň ýagdaýy kanagatlanarly ýagdaýda.
Türkiýede bolup geçen ýertitremede aradan çykanlaryň sany 24 müň 617 adama ýetdi. Trend agentliginiň habar bermegine görä, şikes alanlaryň sany 80 müň 278 adama ýetdi.
