Ispaniýanyň “Realynyň” futbolçylary Marokkoda geçirilen klublaryň arasyndaky dünýä çempionatynyň finalynda Saud Arabystanynyň “Al-Hilýal” toparyny 5:3 hasabynda utdular.
“Realyň” düzüminde gol bilen Winisius Žunior (13, 69 minutlar), Federiko Walwerže (18, 58), Karim Benzema (54) tapawutlandy. “Al-Hilýalyň” düzüminde bolsa Mussa Marega (26), Lusiano Wýetto (63, 79) gol geçirdi.
“Real” bu ýaryşda UEFA-nyň Çempionlar ligasynyň häzirki ýeňijisi, “Al-Hilýal” Aziýanyň Futbol Konfederasiýasynyň Çempionlar ligasynyň ýeňijisi hökmünde çykyş etdi.
Madridiň kluby Klublaýyn dünýä çempionatynda bäşinji gezek ýeňiş gazandy: ondan öň 2014, 2016, 2017, 2018-nji ýyllarda ýaryşyň ýeňijisi boldy. Şeýle-de, ol üç gezek Kontinentara kubogynyň eýesi boldy (1960, 1998, 2002).
Klublaýyn dünýä çempionatynyň üçünji orny üçin oýunda braziliýaly “Flamengo” Müsüriň “Al-Ahli” toparyny 4:2 hasabynda utdy.
