Türkiýäniň Gaziantep şäherinde ýer titremeden 76 sagat geçenden soň, ýumrulan jaýyň astyndan üç adam halas edildi.
Halas edijiler epi merkezi Kahramanmaraşda ýerleşen aýylganç ýer titremäniň ýetiren zyýanlaryny aradan aýyrmagyny dowam edýärler. Gözleg-halas ediş işleri Gaziantepede hem dowam edýär.
Gözleg işleriniň barşynda halas edijiler Merkezi Batykent kwartalynda ýumrulan «Aýşe-Polat» köp gatly jaýyň diwarlarynyň astyndan ses eşitdiler.
Uzak wagtlyk halas ediş işleriniň netijesinde üç adamy halas etmek başartdy. Halas edilenler hassahana ýerleşdirildi.
Soňky maglumatlara görä, ýer titreme netijesinde Türkiýede 14 müň 351 adam aradan çykdy, 63 794 adam ýaralandy. Tebigy betbagtçylyk netijesinde 6444 bina ýumruldy.
