Ýaponiýanyň uzakdaky Tokara adalarynda soňky üç hepdäniň dowamynda 2000-den gowrak ýertitremeleri bolup geçdi. Käbir ýer yranmalarynyň magnitudasy 5 baldan geçdi. Bu barada Ýaponiýanyň Meteorologiýa guramasy habar berdi.
Seýsmiki işjeňlik Akusekidzima we Kodakaradzima adalarynda 21-nji iýundan bäri dowam edýär. Şuňa meňzeş ýertitremeler tapgyry 2021-nji we 2023-nji ýyllarda hem hasaba alnypdy, emma häzirkiler has ýygylygy we güýçlüdigi bilen tapawutlanýar.
Pidalar ýa-da weýrançylyklar barada habar ýok. Seýsmologlaryň baha bermegine görä, bu ýer litosfera plitalarynyň çatrygynda ýerleşýär we ýokary seýsmiki işjeňligi hem şonuň bilen düşündirilýär.
Tokara arhipelagynda takmynan 650 adam ýaşaýar. Kiçeňräk obalaryň ýaşaýjylarynyň bir bölegi meýletin esasda Ýaponiýanyň esasy yklymyna göçürildi.
