Xiaomi kompaniýasy Poco X5 we Poco X5 Pro smartfonlaryny hödürledi. Soňkusy hatarda iň inçe smartfon bolup, onuň korpusynyň galyňlygy bary-ýogy 7,9 mm barabar diýip, Gizmochina habar berýär.
Smartfonlaryň ikisi-de Full HD+ (2400x1080 piksel) durulykly we täzelenme ýygylygy 120 Gs bolan 6,6 dýuýmlyk AMOLED displeýine eýe boldy. Şol bir wagtyň özünde Dolby Vision we HDR10+ tehnologiýalaryny göterýär.
Smartfonlaryň ikisinde-de oturdylan gapdal barmak yzyny skanerleýji bar. Her modeliň agramy bary-ýogy 189 g barabar.
Modeller Qualcomm çipleri bilen üpjün edilendir. Poco X5 5G Snapdragon 695 prosesseri, Poco X5 Pro bolsa Snapdragon 778G bilen işleýär. Smartfonlar 6 ýa-da 8 Gb operatiw we 128 ýa-da 256 Gb içerki ýat bilen elýeterlidir.
Akkumulýatoryň sygymy 5000 mA/s bolup, Poco X5 5G 33 Wt, Pro wersiýasy bolsa 67 Wt zarýad berijini göterýär. Şeýle-de, Infragyzyl porty, NFC moduly we 3,5 mm audio birleşdirijisi bar.
