“Pari Sen-Žermeniň” we Argentinanyň milli ýygyndysynyň hüjümçisi Lionel Messi Halkara Futbol taryhy we statistika federasiýasy tarapyndan 2022-nji ýylda Günorta Amerikanyň iň gowy futbolçysy diýlip saýlandy. Bu barada guramanyň saýtynda habar berilýär.
Öň, Messi IFFHS tarapyndan 2022-nji ýylda dünýäniň iň gowy oýunçysy diýlip saýlanypdy. Geçen ýyl argentinaly “PSŽ” bilen bilelikde Fransiýanyň çempionatynda we Super kubogynda ýeňiş gazandy. Milli toparyň düzüminde hüjümçi Finalissimanyň we Katarda geçirilen dünýä çempionatynyň ýeňijisi boldy.
2022-nji ýylyň jemi boýunça Günorta Amerikanyň simwoliki toparyna şular girdi:
derwezeban: Emiliano Martines (Argentina, “Aston Willa”);
goragçylar: Nikolas Otamendi (Argentina, “Benfika”), Tiago Silwa (Braziliýa, “Çelsi”), Kristian Romero (Argentina, “Tottenhem”);
ýarym goragçylar: Rodrigo De Paul (Argentina, “Atletiko”), Kazemiro (Braziliýa, “Real”/“Mançester Ýunaýted”), Enso Fernandes (Argentina, “Riwer Pleýt”/“Benfika”), Neýmar (Braziliýa, “PSŽ”);
hüjümçiler: Winisius Žunior (Braziliýa, “Real”), Hulian Alwares (Argentina, “Riwer Pleýt”/“Mançester Siti”), Lionel Messi (Argentina, “PSŽ”).
