Türkiýäniň günorta-gündogarynda Kahramanmaraş welaýatynda epi merkezi ýerleşen ýer titremäniň pidalarynyň sany 1498 ýetdi, 8,5 müňden gowrak adam şikes aldy. Bu barada duşenbe güni Türkiýäniň Hökümetinde Adatdan daşary ýagdaýlaryň öňüni almak we olaryň zyýanlaryna garşy göreşmek boýunça müdirlikde (AFAD) habar berdiler.
AFAD-yň maglumatlaryna görä, Türkiýäniň günorta-gündogarynda bir günde 7 baldan ýokary magnitudaly iki sany ýer titreme bolup geçdi.
Soňky maglumatlara görä, Türkiýäniň on sany welaýatynda 1498 adam aradan çykdy, 8553 adam şikes aldy.
Müdirligiň maglumatlaryna görä, Kahramanmaraş, Kilis, Diýarbekir, Adana, Osmaniýe, Gazientep, Şanlyurfa, Adyýaman, Malatýa we Hataý welaýatlarynda 2 834 bina ýumruldy.
Türkiýäniň häkimiýetleri titremeleriň gaýtalanmak howpundan howatyrlanyp, ýaşaýjylara öýlerine dolanyp barmazlygy maslahat berýärler.
Siriýada güýçli ýer titremäniň pidalarynyň sany 810-a ýetdi, 2315 adam şikes aldy.
Güýçli titremeler Idlib, Hama, Aleppo, Latakýe, Tartus we Rakka şäherlerinde ýumrulmalara getirdi.
