6-njy fewralda Türkiýäniň günorta-gündogarynda 7,4 magnitudaly ýer titreme bolup geçdi. Güýli ýer titremäniň netijesinde duşenbe güni aradan çykanlaryň sany 284 adama ýetdi. Bu barada Türkiýäniň wise-prezidenti Fuat Oktaý ýerli telewideniýede habar berdi.
"Epi merkezi Kahramanmaraş welaýatynda ýerleşen ýer titreme netijesinde 284 adam aradan çykdy, 2 323 adam şikes aldy. 1 müň 700-den gowrak jaý ýumruldy» - diýip ol belledi.
Onuň bellemegine görä, Kahramanmaraş etraby has köp zyýan çekdi, ol ýerde azyndan 70 adam aradan çykdy.
Yrgyldylar ýakyn ýerlerde — Hataýda, Osmaniýede, Adyýamanede, Gaziantepede, Şanlyurfada, Diýarbekirde, Malatýede we Adanada duýuldy. Türkiýede howpuň iň ýokary derejesi yglan edildi. Ýurduň häkimiýetleri halkara kömek sorap ýüz tutdular.
