«Çeburaşka» fentezi filmi Russiýanyň kassa ýygymynda 6 milliard rubl gazandy. Muny EAIS ulgamynyň maglumatlary görkezýär.
Eduard Uspenskiniň adybir ertekisiniň film görnüşi 1-nji ýanwarda kinoteatrlarda görkezildi. Çykanyna bir aý bolandan soň, film öňki öňdebaryjylar bolan “Awataryň" birinji bölümini (3,5 milliard) we “Ýaranjaň” komediýasyny (3 milliard) yzda galdyryp, ähli mümkin bolan rekordlary goýmagy başardy. Filmiň býujeti 850 million rubl boldy.
"Çeburaşka" filminiň režissýory Dmitriý Dýaçenkodyr ("Iň soňky batyr"). Filmde keşpleri Sergeý Garmaş, Ýelena Ýakowlewa, Fýodor Dobronrawow we başgalar janlandyrdylar. Çeburaşka "Aşhana" teleserialynyň ýyldyzy Olga Kuzmina ses berdi. Film.ru resenziýasyny çykgyt boýunça tapyp bilersiňiz.
Film "Sentral Partnerşip" kompaniýasy tarapyndan öndürildi. "Çeburaşka"-nyň prodýuserleriniň sözlerine görä, dowamyny hem surata düşürmek meýilleşdirilýär.
