Ýaponiýaly ýazyjy Haruki Murakaminiň täze romany aprel aýynda satuwa çykar. Bu barada çarşenbe güni Shinchosha neşirýaty habar berdi.
Täze eseriň ady heniz gizlin saklanýar. Kitap 13-nji aprelde dükanlara çykar. Onuň göwrümi 1,2 müň sahypa, bahasy 2970 ýen (22 dollar) bolar. Kitabyň çap edilen görnüşi bilen bir wagtda kitabyň elektron görnüşi hem satuwa çykarylar.
Bu Murakaminiň soňky alty ýylyň içinde ilkinji romanydyr. Öňki eseri «Serkerdäniň janyna kast edilmegi» ady bilen 2017-nji ýylyň fewralynda çykypdy.
Haruki Murakaminiň eserleri 40-dan gowrak dile terjime edildi. Onuň "Goýun awy", "Norwegiýa tokaýlygy", "Tow berilýän guşuň ýazgylary", "Deňiz kenaryndaky Kafka", "1Q84" ýaly romanlary hem meşhurdyr. Murakami edebiýat boýunça Nobel baýragyna birnäçe gezek dalaşgär görkezildi.
