Kosmosda bölekleýin surata düşürilen, Klim Şipenkonyň režissýorlygyndaky “Çagyryş” filminiň ilkinji görkezilişi 20-nji aprelde bolar. Bu barada TASS habar berdi.
Filmiň görkezilişe çykmaly täze senesi öň "Kinopoisk" hyzmatynyň ilkinji görkezilişler tertibinde peýda bolupdy. Şol bir wagtyň özünde Russiýanyň “Çagyryş” filminiň ilkinji görkezilişi 12-nji aprelde bolar - film 12-16-njy aprel aralygynda Kaluga şäherinde geçiriljek "Siolkowskiý" film festiwalyny açar.
“Çagyryş” Halkara kosmos stansiýasynda (MKS) kosmosda düşürilen ilkinji çeper filmdir. Bu "Perwyý kanal"-yň, “Glawkosmos”-yň, “Roskosmos” döwlet korporasiýasynyň, Yellow, Black and White studiýalarynyň, START onlaýn-kinoteatrynyň bilelikdäki we Kino gaznasynyň goldawy bilen işläp taýýarlanan taslamadyr.
Filmiň sýužetine görä, zenan lukman kosmonawty halas etmek üçin MKS-e gidýär. 2021-nji ýylyň 5-nji oktýabrynda kosmonawt Anton Şkaplerow, aktrisa Ýuliýa Peresild we režissýor Şipenko "Soýuz MS-19" kosmos gämisinde kosmosda surata düşmek üçin Halkara kosmos stansiýasyna gitdiler. Mundan başga-da, filmiň surata düşürilişine Oleg Nowiskiý we Petr Dubrow dagylar gatnaşdylar. 17-nji oktýabrda Şipenko we Peresild Nowiskiý bilen bilelikde "Ý.A. Gagarin" ("Soýuz MS-18") korablynyň goýberilýän apparatynda Ýere gaýdyp geldiler. Mundan başga-da, filmde Miloş Bikowiç, Wladimir Maşkow we başgalar surata düşdüler.
