LVMH kompaniýasy Louis Vuitton we Dior brendleriniň gowy netijeleri görkezmegi netijesinde 2022-nji ýylda arassa girdejisini 17%, girdejisini 23% ýokarlandyrdy. Bu barada interfax.ru belleýär.
Kompaniýanyň metbugat relizinde aýdylyşy ýaly, ýyllyk arassa girdeji bir ýyl ozalky 12,04 mlrd ýewro bilen deňeşdirilende 14,08 mlrd ýewro boldy.
LVMH-iň girdejisi geçen ýyl 79,18 mlrd ýewro ýetdi. Ýokary ösüş Ýewropada, ABŞ-da we Ýaponiýada hasaba alyndy. Aziýada kompaniýanyň satuwy durnukly boldy, sebäbi Hytaýda geçen ýyl, esasan, karantin çäklendirmeleri hereket etdi.
2022-nji ýylda LVMH-iň moda egin-eşikleri we deri önümleri segmentinde girdejisi 25% ýokarlanyp, 38,65 mlrd ýewro ýetdi. Organiki ösüş 20% boldy. Ulgamlaýyn ownuk söwda dükanlarynyň (Sephora, DFS we Le Bon Marche) girdejisi 26% ýokarlanyp, 14,85 mlrd ýewro boldy (organiki ösüş 17%).
Sagatlaryň we şaý-sepleriň satuwy 18% ýokarlanyp, 10,58 mlrd ýewro ýetdi. Parfýumeriýa we kosmetika segmentinde girdeji 17%, 7,7 mlrd ýewro çenli ýokarlandy. Kompaniýa ýyllyk diwidendleriniň möçberini 20%, paý üçin 12 ýewro çenli artdyrdy. Soňky 12 aýda LVMH-iň kagyzlary 15,5% gymmatlady.
