Iňlis aktýory Rege-Žan Peýj dünýäniň iň görmekli erkek adamsy diýlip yglan edildi diýip, Metro neşiri habar berdi.
Londondaky Kosmetiki we plastiki hirurgiýa merkeziniň ýolbaşçysy doktor Žulian De Silwa «Bridžertonlar» serialyndan soň meşhurlyk gazanan 34 ýaşly aktýoryň ýüzüni altyn kesik düzgüni bilen deňäp gördi.
Görlüp oturylsa, Rege-Žan Peýjiň proporsiýasy kämillige 93,65% ýakyn bolup çykdy.
Londondaky Kosmetiki we plastiki hirurgiýa merkeziniň başlygy Žulian De Silwa şeýle diýdi: «Rege nusgawy görmekli ýüzi we ajaýyp goňur gözleri bilen ýeňiş gazandy. Onuň şekili birkemsiz dodaklaryna hem ýokary baha berildi. Şeýle-de bolsa, ýüzüň burun bölegi birneme pesräk bal aldy”.
Şeýle hem dünýäniň iň görmekli erkekleriniň sanawynda beýleki meşhur adamlar hem bar. Awstraliýaly aktýor Kris Hemswort 93,53% bilen ikinji ýeri, amerikaly aktýor Maýkl Bi Jordan 93,46% bilen üçünji ýeri eýelediler. Dördünji oruna 92,3% bilen iňlis aýdymçysy Garri Staýls düşdi.
