2009-njy ýyldan bäri Ýaponiýanyň iň iri awtoulag öndürijisi Toyota Motor-a ýolbaşçylyk eden Akio Toýoda kompaniýanyň prezidenti wezipesinden aýrylar. Bu barada penşenbe güni kompaniýanyň metbugat gullugy habar berdi.
Toyota Motor-daky wezipe üýtgeşmeleri 1-nji aprelden güýje girer. Toýoda awtoulag konserniniň direktorlar geňeşiniň täze başlygy bolar, wezipede Toýodanyň geňeşiň düzümindäki wekili bolup galjak Takesi Utiýamadanyň ornuny eýelär.
Toyota Motor-yň täze prezidenti we baş ýerine ýetiriji direktory 53 ýaşly Kodzi Sato bolar. Ol Toyota-a mundan 30 ýyl ozal goşulypdy. 2020-nji ýylda Sato Toyota-nyň operasion müdiri we Lexus International brendiniň prezidenti boldy. 2021-nji ýylda brending boýunça müdiri wezipesine bellendi.
Akio Toýoda Toyota-nyň esaslandyryjysy Kiitiro Toýodanyň agtygydyr. 2000-nji ýylda Toýoda awtoulag konserniniň direktorlar geňeşine goşuldy, 2005-nji ýylda ýerine ýetiriji wise-prezident, 2009-njy ýylda bolsa prezident boldy.
