Kris Hipkinz çarşenbe güni Täze Zelandiýanyň premýer-ministri hökmünde kasam kabul etdi we wezipesini ýerine ýetirmäge girişdi. Dabarany Täze Zelandiýanyň Television New Zealand döwlet teleýaýlymy göni ýaýlyma goýberdi.
Täze Zelandiýanyň general-gubernatory Sindi Kiro kasam kabul ediş dabarasynda degişli resminamalara gol çekip, Hipkinz bilen Karmel Sepuloniniň premýer-ministr we premýer-ministriň orunbasary wezipelerine bellenmeklerini tassyklady.
Dabaradan soň Hipkinz Täze Zelandiýanyň Ministrler Kabinetiniň geljek aýlar üçin hökümetiň işiniň ileri tutulýan ugurlaryny kesgitlejek ilkinji mejlisini geçirdi.
Täze Zelandiýanyň 41-nji premýer-ministri bolan 44 ýaşly Hipkinz ozal bilim ministriniň, döwlet gullugy ministriniň we ýerli parlamentde Wekiller palatasynyň ýolbaşçysynyň wezipelerini ýerine ýetiripdi.
Öňki premýer-ministr Jasinda Ardern syýasy işden we jogapkärçilikden ýadanlygyny hem-de maşgalasyna has köp wagt sarp etmek isleýändigini görkezip, 19-njy ýanwarda işinden gitmek meýliniň bardygyny mälim edipdi.
