Golliwudly aktýor Uill Smit «Oskar» baýragynyň gowşurylyş dabarasyndaky dawadan 10 aý geçensoň «Aladdin» sikwelinde Jynyň keşbini oýnar. Bu barada The Sun neşiri habar berýär.
Smit ilkinji gezek 2019-njy ýylda «Aladdin» filminde Jynyň keşbini ýerine ýetiripdi. Deslapky maglumatlara görä, filmiň dowamynda bu keşp hasam göwrümli we ähmiýetli bolar.
Edebi esasyň «Müň bir gijäniň» mazmunyna esaslanjakdygy we filmi surata düşürmekligiň ýylyň ahyrynda başlajakdygy habar berildi.
"Bu “Oskaryň” gowşurylyşyndan soň, Uilliň düşjek ilkinji filmleriniň biri bolar, filmiň çagalara niýetlenen filmdigini göz öňünde tutsaň, bu gaty geň galdyryjydyr. Ol öz üstünde gaty köp işledi we ilkinji görkezilişe çenli hemme zadyň eýýäm yzda galjakdygy bilen hemmeler ylalaşýarlar" - diýip, The Sun kino önümçiligindäki çeşmesiniň sözlerini getirýär.
