Türkmenistan bilen Owganystan türkmen elektrik energiýasyny ibermek hakynda ylalaşygyň möhletini 2023-nji ýyl üçin uzaltdylar. Ylalaşyga «Türkmenenergonyň» başlygy we Da Afghanistan Breshna Sherkat-yň baş direktory (DABS) gol çekdi diýip, TASS agentligi Owganystanyň Suw we energo üpjünçilik işleri boýunça ministrliginiň Twitterine salgylanyp habar berýär.
Türkmenistan eýýäm birnäçe ýyldan bäri ýeňillikli şertlerde Owganystanyň demirgazyk sebitlerine elektrik energiýasyny iberýär. Owganystana şeýle-de Täjigistan bilen Özbegistan hem elektrik energiýasyny eksport edýär.
2025-nji ýylda Türkmenistan Owganystana elektrik energiýasynyň eksportyny 8,7% artdyrmagy meýilleşdirýär. Munuň üçin täze elektrik beketler, elektrik geçiriji ulgamlar we häzirki zaman transformator beketleri gurulýar.
