Ýewropanyň Futbol Assosiasiýalarynyň Birleşigi (UEFA) futbolçylaryň şertnamalarynyň dowamlylygyna çäklendirme girizmek isleýär. Bu barada The Times habar berdi diýip, gazeta.ru belleýär.
Gurama şeýle üýtgetme barada Londonyň “Çelsi” kluby futbolçylar bilen 7-8 ýyl üçin şertnama baglaşyp, Angliýanyň Premýer-ligasynyň (APL) “fair play” düzgünlerine üns bermän başlandan soň pikirlendi. UEFA şertnamanyň rugsat berilýän dowamlylygyny 5 ýyl möhlet bilen kesgitlemek isleýär. Edaranyň ýolbaşçylygy köp klublaryň londonlylaryň şeýle transfer syýasatyndan biynjalyk bolýandygy üçin bu barada pikirlenýär.
Şu gyş “Çelsi” 100 mln ýewro Doneskiň “Şahtýorynyň” ukrainaly oýunçysy Mihail Mudriki satyn aldy. Bu mukdaryň 30 milliony bonus görnüşinde tölener.
Mudrik “Liwerpula” garşy oýunda ilkinji gezek çykyş edip, netijeli hereketler bilen tapawutlanmady. Mudrikden başga-da, “Çelsi” ýarym goragçy Noni Madueke bilen ýedi ýarym ýyl möhlet bilen şertnama baglaşdy.
20 tapgyrdan soň “Çelsi” APL-iň ýaryş jedwelinde onunjy orunda ýerleşýär. Grem Potteriň gözegçiligindäki topar soňky bäş oýunda diňe ýekeje ýeňiş gazandy.
