«Pari Sen-Žermeniň» hüjümçisi Kilian Mbappe Fransiýanyň Kubogynyň 1/16 finalynyň ýurduň altynjy diwizionyndaky topar «Pei de Kassele» garşy oýnunda bäş gol geçirdi. Şeýlelik bilen, Mbappe «PSŽ-niň» penta-trik etmegi başaran ilkinji oýunçysy boldy. Bu barada gazeta.ru habar berýär.
Duşuşyk parižlileriň 7:0 hasabynda uly ýeňiş gazanmagy bilen tamamlandy. Ýeňijileriň düzüminde Mbappe öz hasabyna bäş gol ýazdy. Şeýle-de, Neýmar bilen Karlos Soler 1 goldan geçirdi.
Şeýlelikde, “Pari Sen-Žermen” Fransiýanyň Kubogynyň 1/8 finalyna çykdy. Ýaryşyň bu tapgyrynda paýtagt kluby “Marsel” bilen oýnar.
Fransiýanyň çempionatynyň ýaryş jedwelinde “PSŽ” 19 oýunda 47 utuk gazanyp, birinji orunda ýerleşýär. Onuň ýakyn bäsdeşi 44 utuk gazanmagy başaran “Lansdyr”. Üçlügi 42 bal bilen “Marsel” jemleýär.
