Marokkonyň futbol ýygyndysynyň we “Pari Sen-Žermeniň” goragçysy Aşraf Hakimi 2022-nji ýylyň iň gowy arap türgeni diýlip saýlandy. Bu barada fransuz klubunyň Twitter sahypasynda habar berilýär diýip, RIA Nowosti belleýär.
Joy Awards baýragynyň gowşurylyş dabarasy şenbe güni Er-Riýadda geçirildi. Bu baýrak Ýakyn Gündogaryň türgenlerine berilýär.
Hakimi penşenbe güni “PSŽ-niň” düzüminde Saud Arabystanynyň “Al-Nasr” we “Al-Hilýal” klublarynyň iň gowy oýunçylarynyň ýygyndysyna garşy dostlukly oýunda oýnady. Şondan soň ol dabara gatnaşmak üçin Saud Arabystanynda galdy.
Marokkonyň ýygyndysy dekabr aýynda Katarda geçirilen dünýä çempionatynda dördünji orny eýeläp, ýaryşyň taryhynda afrikan toparlaryň arasynda iň gowy netijäni görkezdi. Geçen ýyl Hakimi “PSŽ” bilen bilelikde Fransiýanyň çempiony we ýurduň Super kubogynyň eýesi boldy.
