Apple-iň baş direktory Tim Kuk 2023-nji ýylda 49 million dollar alar, bu 2022-nji ýyldakydan 40%-denem azdyr. ABŞ-nyň Gymmatly kagyzlar we biržalar boýunça komissiýasynyň elektron maglumatlar bazasyna penşenbe güni gelip gowşan maglumatlar muňa şaýatlyk edýär.
Kompaniýanyň habarnamasynda: "Jenap Kukuň 2023-nji ýylda umumy göz öňünde tutulan aýlygy 49 million dollar bolar, bu 2022-nji ýyldaky maksatly umumy hakdan 40%-denem azdyr" - diýilýär.
Apple-iň profil komiteti resminama taýýarlanylanda paýdarlaryň seslenmelerini, kompaniýanyň alyp barýan işlerini we "Jenap Kukuň alnan seslenmeler esasynda onuň hakyny üýtgetmek baradaky teklibini" göz öňünde tutdy. Korporasiýanyň başlygy "jenap Kukuň ajaýyp liderlik häsiýetlerini ykrar edip", komitetiň onuň hakynyň mukdaryny azaltmak baradaky kararyny tassyklady.
Geçen ýyl Apple-iň baş direktory 83 million dollarlykdan sähel azrak paýnama, 12 million dollar pul baýragyny we 3 million dollary aýlyk görnüşinde alypdy. Kukuň alýan gymmatly kagyzlarynyň sany kompaniýanyň işiniň netijesine baglydyr.
1976-njy ýylda döredilen Apple iPhone, iPad, iMac, MacBook we beýleki ýokary tehnologiýaly önümleri öndürýär. Ştab-kwartirasy Kupertinoda (Kaliforniýa) ýerleşen korporasiýa dünýäde iň iri korporasiýalaryň biri hasaplanýar.
