Ýaponiýanyň Toyota Motor kompaniýasy yzygider üç ýyl satylan täze awtoulaglaryň sany boýunça dünýä awtoulag öndürijileriniň arasynda öňdeligi saklamagy başardy. Muny Toyota-nyň esasy bäsdeşi, Volkswagen Group nemes korporasiýasy tarapyndan penşenbe güni neşir edilen statistiki maglumatlar subut edýär.
Volkswagen 2022-nji ýylyň 12 aýynda dünýäde 8,26 million awtoulag satdy, bu bolsa bir ýyl ozalkydan 7% azdyr. Toyota Motor entek tutuş ýylyň maglumatyny çap etmedi, ýöne ýanwar-noýabr aralygyndaky aralyk statistika, Toyota toparynyň öndürijileri Daihatsu Motor we Hino Motors bilen bilelikde 9,56 million awtoulag satandygyny görkezýär. Şol bir wagtyň özünde diňe Toyota-nyň satuwy 8,77 million awtoulag boldy.
Geçen ýylyň dowamynda Ýaponiýanyň awtoulag ägirdi belli bir aýyň dowamynda önümçilik we satuw görkezijilerini birnäçe gezek hasaba aldy. Kompaniýa, esasanam, Demirgazyk Amerikada durnukly islegiň dikeldilmegi sebäpli gazanylan oňyn netijeleri belleýär. Ätiýaçlyk şaýlarynyň ýetmezçiligi bilen bagly ýagdaýyň gowulaşmagy hem oňyn täsir etdi.
Toyota Motor we Volkswagen soňky ýyllarda dünýäde awtoulag satuwynda öňdeligi saklamak ugrunda bäsleşýärler. Dört ýyllyk arakesmeden soň, 2020-nji ýylda Toyota bu görkeziji boýunça öňdeligi täzeden aldy we şondan bäri awtoulag ägirtleriniň arasyndaky tapawut ýylsaýyn artýar.
