Awstraliýaly aktrisa Keýt Blanşet drama filmindäki iň oňat zenan keşbi üçin «Altyn globus» baýragyna mynasyp boldy. 80-nji baýrak gowşurylyş dabarasy sişenbe güni Kaliforniýanyň Bewerli Hills şäherinde “Bewerli-Hilton” myhmanhanasynda geçirildi. Bu çäre NBC tarapyndan ýaýlyma berdi.
Blanşet “Tar" (Tar, 2022) filmindäki keşbi üçin baýrak aldy. Amerikaly režissýor Todd Fildiň dramasy Berliniň filarmoniýa orkestriniň dirižýory Lidiýa Tar hakynda, hossarlyk edýänleriniň biri janyna kast edeninden soň, onuň üstünlikli durmuşyna howp abanýar.
Komediýa ýa-da mýuziklde iň oňat zenan keşbi diýen ugur boýunça “Hemme zat hemme ýerde we birbada” (Everything Everywhere All at Once, 2021) filminde oýnan Mişel Ýeo ýeňiji boldy.
Drama serialyndaky iň oňat aktrisa diýen “Altyn globus” baýragy Zendeýa (“Eýforiýa”, Euphoria, 2019 - häzirki) gowşuryldy. Kinta Branson (“Ebbott” başlangyç mekdebi, Abbott Elementary, 2021-nji ýyl - häzirki) komediýadaky ýa-da sazly serialdaky iň oňat zenan keşbi baýragyna mynasyp boldy.
Golliwuda akkreditirlenen daşary ýurtly žurnalistler assosiasiýasy tarapyndan her ýyl berilýän “Altyn globus” baýragy, ABŞ-daky abraýy boýunça Oskardan soň ikinji orunda durýar. Baýrak, geçen ýylyň netijelerine esaslanylyp, kinematografiýany we telewideniýäni öz içine alýan 20-den gowrak ugra gowşurylýar.
