«Elwis» filminde (Elwis, 2022) oýnan Ostin Batler drama filminde ýerine ýetiren baş erkek keşbi üçin «Altyn globus» baýragyna mynasyp boldy. Baýragyň gowşurylyş dabarasy NBC tarapyndan sişenbe güni efire berildi.
Filmde Elwis Presliniň durmuşy barada gürrüň berilýär. Şeýle-de bu baýraga «Läheň» (The Whale, 2022) filminde ýerine ýetiren keşbi üçin Brendan Freýzer, «Ogul» (The Son, 2022) filminde ýerine ýetiren işi üçin Hýu Jekman, «Ýaşamak» (Living, 2022) filmindäki keşbi üçin Bill Naýi we «Barlag» (The Inspection, 2022) filmindäki keşbi üçin Jeremi Poup dagy hem dalaş etdiler.
Kolin Farrell Irlandiýanyň çet gyra adasyndaky iki dostuň arasyndaky dawa-jenjel hakda gürrüň berýän «Inişeriniň banşisi» (The Banshees of Inisherin, 2022) filminde ýerine ýetiren işine komediýadaky ýa-da mýuzikldaky baş erkek keşp üçin “Altyn globus” baýragyna mynasyp boldy.
Biziň dünýämizden bolan ýönekeý bir aýalyň paralel älemlerdäki ýamanlyklar bilen göreşi barada gürrüň berýän «Hemme zat hemme ýerde we dessine» (Everything Everywhere All at Once, 2021) filminde oýnan aktýor Ke Hýui Kuan iň oňat ikinji plandaky keşp üçin baýraga mynasyp boldy.
