Deslapky maglumatlara görä, täze Samsung Galaxy S23 flagmanynyň ilkinji görkezilişini 1-nji fewralda geçirmek meýilleşdirilipdi, indi bolsa kompaniýa bu senäni tassyklady: Kolumbiýanyň Samsung saýtynda degişli banner peýda boldy.
Suratda üç modully kamera görkezilýär – şeýle kamera Galaxy S23-de we Galaxy S23 Plus-de bolar, Galaxy S23 Ultra köp sanly modully kamera alar. Tizer "epiki pursatlary" wada berýär, megerem bu, Samsung-yň telefonlar bilen birlikde, ýene birnäçe täze önüm hödürlejekdigini görkezýän bolsa gerek.
Galaxy S23 hatarynyň modelleriniň görkezijileri eýýäm birnäçe gezek agzaldy. Olaryň hemmesi SoC Snapdragon 8 Gen 2 alar. Batareýanyň kuwwaty 3900 (S23), 4700 (S23 Plus) we 5000 mA.s (S23 Ultra) bolar. Ekranyň diagonallary degişlilikde 6.1, 6.6 we 6.8 dýuým. Galaxy S23 Ultra -da 200, 10, 10 we 12 Mp razreşeniýeli datçigi bolan kamera, beýleki iki modelde bolsa 50, 10 we 12 MP razreşeniýeli datçik bolar.
