Adatça heniz ýaz gelmänkä, sowuk howada gülleýän sakura Tokionyň demirgazygyndaky Ibaraki prefekturasynyň Hitati şäherinde gülledi. Bu barada bigasia.ru habar berýär. Hitachi Beni Kanzakura görnüşiniň açyk gülgüne gülýaprajyklary bar. Şeýle agaçlaryň 280-e golaýyny Hitatidäki seýilgählerde, mekdeplerde we beýleki ýerlerde görmek bolýar.
Geçen hepdäniň başynda şäher ýolbaşçylary ýerli seýilgähe baryp, 30 töweregi sakura agajynda birnäçe açylyp başlan gunçalary gördüler. Şu ýyl agaçlaryň adatdakysyndan bir hepde ir gülländigi aýdylýar. Bu ýere gelenler gülleriň owadanlygyna haýran galyp surata düşdüler.
Agaçlar fewral aýynyň ahyrynda doly güllär we mart aýynyň başyna çenli bu gülleri synlap lezzet almak bolar.
