Samsung täze ykjam telefonlaryň hödürlenjek ilkinji çäresiniň senesini mälim etdi. Ol 18-nji ýanwarda Hindistanda geçiriler. Köpleriň täze Galaxy S23 flagmanlarynyň hödürlenmegine garaşýandyklaryna garamazdan, bu çäre olara bagyşlanmaz, onda Galaxy A hatarynyň telefonlary hödürlener.
Ilkinji tizerde üç kamera we 120 Gs kadr ýygylykly ekran görkezilýär. Ýagny, gürrüň Galaxy A54 5G barada bolmaly, ýöne kompaniýa Galaxy A34 5G telefonyny hem hödürläp biler. Onuň hem üç kamerasynyň bolmagyna garaşylýar, emma gürrüňlere görä, onuň kadr ýygylygy 90 Gs bolmaly. Soňky döwürlerde modelleriň ikisi barada-da gürrüňler köp ýaýrady, bu hem olaryň ýakyn wagtda anons ediljekdigini görkezýär.
Belläp geçsek, Galaxy A34 5G diagonaly 6,5 dýuým bolan AMOLED ekranyna, SoC Exynos 1380 çipsetine, 48 Mp esasy kamera we 5000 mA/s sygymly akkumulýatora eýe bolmaly. Galaxy A54 5G barada aýdylanda, ol 5100 mA/s sygymly akkumulýatora, 50 Mp kamera we 6,4 dýuým diagonally AMOLED ekranyna eýe bolup biler.
