Apple öň 2023-nji ýylyň 1-nji ýanwaryndan Dark Sky howa maglumaty goşundysyny ýapjakdygyny aýdypdy. Bu meşhur hyzmat sentýabr aýynda eýýäm App Store-dan aýryldy. Indi ulanyjylardaky ol goşundy asla işlemez.
Apple 2020-nji ýylyň mart aýynda Dark Sky-y satyn alypdy we şondan bäri goşundynyň köp funksiýalary iPhone-da, iPad-de we Mac-da öňünden gurnalan Howa maglumaty goşundysyna girizilipdi.
Dark Sky goşundysy gyzyklanýan ýeriňizde ýagşyň haçan ýagyp başlajakdygyny ýa-da diňjekdigini bilmäge mümkinçilik berýärdi. Howa maglumaty goşundysyndaky şuňa meňzeş funksiýalara girmek üçin enjamyňyz iOS 16-a, iPadOS 16-a ýa-da macOS Ventura-a çenli täzelenen bolmaly.
