2022-nji ýylyň jemleri boýunça bitkoiniň bahasy 60%-den gowrak pese gaçdy: dekabr aýynyň ahyrynda, 2021-nji ýylyň noýabr aýynda gazanylan iň ýokary 70,000 dollar bilen deňeşdirilende, 16 500 dollar töweregi derejede boldy.
Trading Economics-iň habaryna görä, bitkoin 2021-nji ýylda bazarlara kapitalyň gelmegi we aşa pes ýa-da nol göterim derejesi bilen goldanyldy, şonda Goldman Sachs-yň ekspertleri bitkoini hatda altyna-da deňediler.
Bu aralykda, 2022-nji ýylda inflýasiýanyň ýokarlanmagy we maliýe şertleriniň bekedilmegi kriptowalýuta bazarynyň çökmegine sebäp boldy.
Ilki-hä TerraUSD steýblkoýnynyň çökmegi, soňra bolsa dünýäde ikinji orunda durýan FTX kriptowalýuta biržasynyň batmagy bilen satuw hasam güýçlendi.
CoinDesk-iň maglumatlaryna görä, bitkoiniň alyş-çalyş hümmeti anna güni 0,8% aşaklap, 16,471 dollara geldi.
